تمتاز البدايات دائما بالترقب، ودقات الإنتظار .. بإنشغال الفكر والفضول الغير منقطع .. ترقب الأحداث تأتى تباعا وتوغل فى العمق .. ودقات إنتظار الساعة، والهاتف، واللقاء .. وإنشغال الفكر بمحاولات مستميتة للتعرف على الشىء الجديد الى أين سوف يمضى ويأخذنا .. والفضول لمعرفة أدق الدقائق عنه وكأنه دنيا جديدة نحاول جاهدين ان ندخلها .. تمتاز البداية بإنتباه الحواس جميعا لإحتواء هذا الوافد، وتسارع الأمانى حينا وحينا تباطؤها .. بفرحة غامرة تولد من لا شىء وتستمر للا شىء يقتلها الخوف من الغد .. يقتلها الظن بأنها ربما كانت أوهام .. تحلو البدايات كثيرا بالتوقع الحلو فى أحلام اليقظة .. وتصعب دوما بالشك وخيبة الرجاء لأنها لم تزل بدايات .. خيام ربما نصبت ولكن من دون وتد
هناك ١٦ تعليقًا:
تعليق مؤقت...علشان مش عايز انام من غير ما قول...انك بجد مبدعه في تشبيهاتك...وبتعرفي أمتى تتكلمي عن الحيره اللي جوانا واذاي....
بجد
جمــــــــــــــــيل
ربما لانى اميل بطبعى الى التشاؤم لم اكن ابدا ذو توقعات جميلة
ربما لهذا مازلت اعيش
البدايات عندى دائما صعبة
اعجبنى البوست كثيرا
وتحياتى لك
ميليجى
أعز الأصدقاء فى الدنيا .. ربنا يخليك ليا دفعة قوية يارب
مش عارفة اقول ايه لكن صداقتنا الطويلة مش محتاجة اى كلام
goodman
فى رأيى مافيش داعى للتشاؤم لأن كل شىء فى الدنيا بأمر الله .. فإن حصل فهو خير وان ماحصلش فهو بردو خير
البدايات صعبة علينا كلنا لأنها دايما محيرة .. ومقلقة
سعيدة جدا ان البوست عجبك واتمنى نتشارك الآراء دايما
وابتسم واتكل على الله
أســـف
الجميع يستطيعون سرد الاحداث
لكن قليلون حقا من يصفون المشاعر
عزيزتى جين
فتقبلى اعجابى وودى
Dear..
I like so much what U write and how U express it,,but let me not share U ur Opinion as the last words R so pisimistic.....U C ( allwayes it becomes an Illusion)...who ssaid ...as some times our expectations...come true ...rare ,,but still can B ..as long as Allah Exists ( and he Allwayes Exists) then there is a hope..
best Regardes.. ..
غير معرف
أسف .. بس كدة
مش فاهمة .. يمكن الكومنت بتاعك جه غلط
منى
ايه النور دا كله .. ازيك يا مونمون
اتقبل اعجابك وودك بكل مافى من سعادة وانشكاح حقيقى
اتمنى دايما انى اعبر صح (:
a dreamer with feet on the floor
u r welcome
واسمحلى ارد على الكومنت بالعربى
مرحبا بالإختلاف فى الرأى .. بس حقيقى انا مش شايفة اى اختلاف .. انا فعلا مؤمنة ان طول ما ربنا موجود كل شىء ممكن ومافيش حاجة ابدا مستحيلة
وآخر كلماتى اقصد بيها ان البدايات دايما بتبقى كأننا عايزين نخيم فى الصحرا .. بننصب الخيام فى الأول وبعدين بنثبت الوتد اللى بالتالى بيثبت الخيمة .. فكل بداية محتاجة وتد يثبتها .. بس
سعيدة جدا بمرورك وأسعد بتحليلك
زى ما قولتلك حال معظم الشباب
يشغل البنت بتعامله معاها ومياخدش اى خطوة ايجابية
وتفضل هيا فى حيرة
احساس محير بجد بالذات فى البدايات
البنت الشلبية
بينى وبينك هو دا اللى بيخوف اى بنت عايزة تعيش بجد من اى واحد
وبتريح دماغها وتقطع كل الخطوط اللى بتوصل ليها لمجرد الشك فى ان الإحساس او البداية مش صح او مش حقيقية
الحيرة دى بتخليها تؤثر السلامة وتفضل مع أهلها معززة مكرمة من غير تجارب عاطفية او زواجية عن طريقها شخصيا منعا لأنها تغلط او تسىء تقدير الأمور
ربنا يسترها علينا جميعا .. ويرحمنا لأن قلوبنا دى بتتفتت بمنتهى السهولة
تمتاز البدايات بالشغف المحبب .., شغف لذيذ هو .. يقترب كثيرا من الأمل ويحاول أن يتناسى بدايات القلق الوليد
تمتاز البدايات كما قلتى بالكثير والكثير من الأحلام .., أحلام ممتعة ..,ولكن الخوف من الغد لن أقول يقتل الأحلام .., ولكنه بالتأكيد ينقص من متعتها
تمتاز البدايات بالكثير من تأنيب الذات وحثها على الانتظار ..,والخوف من الوقوع فى الأخطاء القديمة
تحمل كلماتك رغم بساطتها الكثير والكثير من الالهام
والشعور بلذة ما بعد القراءة
بوست جامد يا جين وفى الجون
:)
zordeak
اخجلتم تواضعنا بجد .. بس دايما اى حاجة بتطلع من القلب بتوصل
والبداية زى مانت بتقول شغف .. لكن محدش ورا الكوارث غير الشغف ده
نورت وتكرم على الإضافة
دائما ماننجذب للبدايات هذه ونبني في احلامنا نهايات ونهايات
ثم تاتي النهاية التي تعيدنا الي الواقع
ولنحتمل الصدمة ان كانت
او لنسعد ان كانت السعادة نهايتها
ولكن دعني اتساءل
اين العقل من البداية
كلمات بسيطة لكنها رائعة بحق
تحياتي
____________________________
عم رزقنا الله البر
اخي الغالي لقد توفي والدك
فكر كيف تكون ولدابرا له بعد موته
كن كما كان يريدك ان تكون
شابا صالحا مؤمنا تقيا
وثق انك بذلك قد قدمت له برا
______________________
اخواني واخواتي المدونين ندعوكم معنا لمناصرة الحملة ضد تصريحات ساويرس الاخيرة المتعلقة بالحجاب وذلك بوقف اتصالك بموبنيل ولو لساعة واحدة فقط....ولكم الاجر والثواب من الله
بنت الإسلام
حقيقى لنحتمل النهاية مهما كانت .. صادمة او سعيدة
جزاكى الله كل خير على النصيحة والتذكير .. وربنا يخليلنا جميعا أهالينا ونكون قرة أعين ليهم
وبالنسبة لحملة المقاطعة .. انا يا ستى فودافون .. وأصحابى تلات أرباعهم فودافون .. والربع الباقى هقاطعهم لحد ما الحملة تخلص (: (: (:
إرسال تعليق